فهرس الديوان
إهداء
إهـــداء
إلى كل روح بريئة فاضت بالإيمان وسكنت بجوار الرحمن
إلى أرواح الشهداء في فراديس الجنان
إلى شباب ثورة 25 يناير سنة 2011
إلى مصر التي ...............
أهــدي ديـوانـي
أ. د/ مرفت محـرم
شكر وتقدير
شكر وتقدير
اتقد م بالشكر إلى كل من اسهم في ميلاد هذا الديوان
إلى أستاذى الشاعر الكبير / أ. عبدالرحمن البجاوي الذى
إلى الشاعر العظيم الأستاذ حامد عبدالسميع رجب
وإلى أعضاء المنتدى الثقافي بالمنوفيه
واللـــــه الموفـــــق ..
د. مرفت محرم
يا رب سبحانك
يا رب سبحانك
يا صاحب الملك والملكوت والآيه
يا حي يا مطلع ع القصد والغايه
أنت العليم يا عليم بالسر جوايه
وانت اللي عارف فيا إيه وويايه
خليني ويا اللي ليهم في الحمى .. رايه
واحميني من دنيتي .. والنفس وهوايه
الناس سراب والوجود والنعيم زايل
ولا يبقى غيرك سند فِيّهَ .. وجُوايه
.....................................
.....................................
ـ نُشرت هذه القصيدة فى موقع دنيا الرأى رابط :
http://pulpit.alwatanvoice.com/articles/2011/08/31/236350.html
يا كعبة الفرسان
يا كعبة الفرسـان
ثوروا على الطُغْيان
يا فِتْيةْ الشُطْآن
دا انتوا أسود الفدا
والنصر والإيمان
وانتوا اللي في دَمُكُمْ
عَهْد وِهُدى وآدان
وشهيدكو يوم النِدَا
ما بخلْشِ ع الأوْطَّان
ودَمُهْ في أرضنا
خَضَّرْ ورُودْ وريحان
دا النَصْر ما يحَقَقُهْ
إلا شباب جِدْعان
طول عمر بلدي الحبيبة
نَسْلها شُجْعان
الحُبْ في قَلْبُهم
طارحْ تُقَى وأَمَان
وساعة الجَّدْ فَوْرَه
نَبْضَها فُرسان
خَلِّت جميع الأُمَمْ
الإنس ويّا الجان
تِحْلِفْ بأن شَبَابْنَا
لُهْ في الشجاعة كيان
حَطَّمْ في ساعة زمن
البؤس والطغيان
ما هُمْ جنود ربنا
يحَرِسْهمْ الرحمن
...................
...................
ـ نُشرت هذه القصيدة فى موقع دنيا الرأى رابط :
http://pulpit.alwatanvoice.com/articles/2011/08/31/236390.html
روضة حبيبى
رَوْضــة حبيبــي
روضة حبيبي سقاني فيها
بكاس حقيقة سكرت فيها
سكرت لكن مشيت واعيها
وعشت فيها نعيم رضاها
*****
ـ نُشرت هذه القصيدة فى موقع دنيا الرأى رابط :
http://pulpit.alwatanvoice.com/articles/2011/09/01/236421.html
دنيا مزوقة
دنيـا متزوقة
في الفرح تلقى الجموع ساعيه .. وجيالك
وتبص فيها ما تلقى قلب .. يصفالك
ولا تلقى غير العجب م اللي انته بتشوفه
ما هي دنيا متزوقة بالكدب .. خُدْ بالك
............................................ـ نُشرت هذه القصيدة فى موقع دنيا الرأى رابط :
http://pulpit.alwatanvoice.com/articles/2011/09/02/236485.html
مصر غنيوة
مصــر غنيـــوة
يا مصر لمعزتك
قلت فيك مواويل
ياما دُبْت في محبتك
وِناجيت الطير بالليل
سمعنى يوم محنتك
وقالي الصبر جميل
فَكَّر وروي حِكْمتك
وعنده ألف دليل
وغَرّد وقال غنوتك
حاتعيشي يا مصر النيل
.............................
.............................
ـ نُشرت هذه القصيدة فى موقع دنيا الرأى رابط :
http://pulpit.alwatanvoice.com/articles/2011/09/04/236627.html
اترك الهم
أُتْـرك الهـم
أُتْرك الهم وابدأ
حياتك من جديد
وقول للحزن ابعد
وابدأ يومك سعيد
وانسى الشر يمكن
ينسى ويروح بعيد
ونادي الفرح يطرح
لمصر عمر مجيد
.....................ـ نُشرت هذه القصيدة فى موقع دنيا الرأى رابط :
كسوف الشمس
كســوف الشــمس
أنا شفت الشمس والقمر في الكسوف مره
يدوب القمر في الشمس لحظة في المره
والشمس تبقى هلال في السما مره
وأنا نفسي أشوف القلب جوه القمر مرة
...............................................
...............................................
ـ نُشرت هذه القصيدة فى موقع دنيا الرأى رابط :
لا للفرقة
لا للفُـرْقَـة
مسلم ولا مسيحي
مه الديان واحد
الإنجيل ولا القرآن
كتاب الله واحد
ومصر أرض الكنانة
بتوحد الواحد
لو الفُرْقَهْ دَبِّتْ
ما حا تخلي ولا واحد
......................ـ نُشرت هذه القصيدة فى موقع دنيا الرأى رابط :
http://pulpit.alwatanvoice.com/articles/2011/09/04/236695.html
لا للنظام
لا للنظـــام
أنا مِشْ حابقى مٍ الصابرينْ
وَعِيشْ عُمري كدهْ مسكينْ
فطاري حَافْ وغدايا طِينْ
أنا مِنْ حَقِي أَتْمَرَدْ وأقولْ
أنا مش حابقى م الصابرينْ
دَنَا مصري وأبويا الدين
وِمَصْر تِدُقْ فينا حَنينْ
وباني المجد بِكفوفي
ومتلفع بهمي سِنينْ
سيبوني يا خَلْق أتمردْ
وقول مش حابقى م الصابرين
يا حِزْب الهم آخرك فين
وِسَايق بينا ليه وِلْفين
دنا شايل قسايا سنين
ومِتْغَربْ كما الملايين
وِتُهْنا في البلاد تُوهه
من المغرب لِحَدْ الصينْ
وِعَبَّاره تِغَرْقني وِتْخَصْخَصْني ليه ولمين ؟
دَنَا إنسان وَنَا حَيْران ونا مِشْ عيبهْ
أَتْمرَدْ وقول مِشْ حابقى م الصابرينْ
أنا باسمَكْ يا حِزْب الكَرْبْ
بلاقيني في قِسمة وِضَرْب
وتاكل لَحْمتي وِزَرْعي وِتُكْرُشْني كَأِني الكَلبْ
كَأني من عَدِوينَكْ وبينا في العداوة حَرْب
ما ترحل عني وتسيبني أعيشلي يومين
وقول للدنيا يا دنيا أنا قادرْ وِمِشْ مِسكينْ
وِقِيدْ الحِزْب كَسَّرْتُهْ وحطَّمتُه بعزْم متين
وِصُوت الحقْ حَرَّرْني ولا عِدْتِشْ من الصابرين
*****
ـ نُشرت هذه القصيدة فى موقع دنيا الرأى رابط :
قلوب
قـلـــوب
قلوب ياما بَقَابِلْها وفيها الحب مِدَاري
وِعَرْفاني وِفَهْماني وِكَاتْمة كُل أَسراري
في وقت الشِدَّة بلاقيها قصادي وجنبي وجاري
قلت أفسر الحالة واشوف السِرْ ينفعني
لقيتني تُهْت في أحوالي وأنا حيران ومش داري
وشفت قلوب تِطَقْ شرار وتتمنى تِكَعْبِلني
ويوم ما أعلى ويوم ما أختار تِصَغَّرْ فيَّ وتكيدني
ولو شمسي ما طلعتشي بتلبس م الفَرَحْ بني
ورغم ده كله بدعيلها وقول يا رب تهديها وقويني
ونجيني وابعد شرها عني
وشفت قلوب مِنَدِيَهْ وفيها الفرح طوالي
وغيرها قايده في جُهَنم وفيها الحِقْد بيلالي
ولا تِسَاعِد ولا تِوَاسي وكل كلامها ونَا مالي
مه أنا بس في الدنيا بشوف وافرِزْ ومش عارفه
لكن لا الحِلْو يِدارَّي ولا نا فاهمة أحوالي
وقلوب تسقيك بِحنية وفيها الآية مقريه
وحب المصطفى فيها وِخَمْسِتْها كما الميه
وقول يا رب سبحانك مليت الخلق مِدِّيه
ومن فضلك وإكرامك قلوب الناس مداويه
*****
تحية لمصر
تحيــة لمصــر
يا أهل مصر يا أهل الهمم
طبتم وفزتم بكل الكرم
شمس الحياة تنعم بكم
ومن حسنكم هل القمر
في كل قلب حبكم
حتى النجوم قالت نعم
ويديم العليم مجدكم
أهل الوفاء أهل النعم
حسن اللقا من طبعكم
والجود صفات أهل الكرم
تحيتي دايما لكم
يا تاج على رأس الأمم
*****
الشباب المسحراتى
الشباب المسحراتي
يا رب في الشهر الكريم
اهدي العاصي والغشيم
وتوب علينا برحمتك
دا انت الكرم وانت الكريم
إصحى يا ريس عبدالكريم
أنا من اللي جوايا بقول
مهما اللي فيَّ راح يطول
وسحوري مكتوب في الزمن
طورشي وفلافل ويا فول
اصحى يا سيدنا عب الجليل
بنادي مصر قالتلي مين
قلت اللي عاشقك من سنين
معايا مفتاح الزمن
فاكراني يا ام الطيبين
وحد يا عم الشيخ ياسين
يا سلام يا بلدي عل كان
وانت زعيمة من زمان
ولا حد يكسر كلمتك
يهز بابك والحيطان
اصحى وفوق يا سليمان
أنا قولي بلسم ع الشهيد
اللي بدمه جبنا عيد
ولا حد حا يجيبنا لورة
ما دام بنتحدى الحديد
فوق بقى يا بو الشهيد
آهين يا حارة ع الزمن
وع الكريم اللي اندين
ومن العليل اللي امتلا
ورغيفنا لو طاله العفن
اصحى يا عم الشيخ حسن
أنا بضرب الطبلة بعصا
يمكن يفوق اللي عصى
وبلدنا تفرد أمرها
ونتوب بقى من القَرْفَصَه
افهم يا شيخ المرقصه
صحي شبابك صحصحيه
إديله بق وفوقيه
قوليله قطرك لو مِشِي
فَاتَكْ وعمرك ما تلاقيه
اصحى يا حاج الشيخ نبيه
