صور الزمان اللي عشته
صور الزمان اللي عشته ... جَتْ على بالي
البعض منها كِِشِِّرْ ... والبعض يِحْلَى لِي
والبعض عبرة وعظة ... للمبلى والخالي
والحلو زي الوحش ... لازم ح يِوْعِظْنا
وأبو عَقْل راح يِفْهَمُه ... لَوْ يِنْسَى ونا مَالي
عاقِلْ .. وعقْلُه نِِِوِرْ ... والخلق شاهْداله
وقوله عِلْم وِحِكَمْ ... والدُنيا جَيَّالُه
وسألت نفسي ونا بتْفَقَدْ أحوالُه
إزاي وفين حِكْمِتُه لما الشِيطَان جاله
حَرَمْ البنات مِ الميراث وِاداه لصُبيانه
والصورة لازقَهْ في دماغي وعيني بَصَّالُه
والصورة دِيَتْ لخضرة بنت عبدالعال
ماشية في حالها ومستورة وعال العال
لا ليها في المهزأة ولا في اللي قالوا وقال
راجِلْها مات وانتهى ما اتهز فيها الحال
إلا وراجل وضيع قال جَيْ يُخْطُبها
ولما رَفضِت عَمْلها في البلد مَوَال
وصورة حلوة قوي ما تروحشي من بالي
عَالَم يُذكر النبي شغاله طوالي
وباسم رب الوجود سكرانة بتلالي
لا تسأَلُه في اللي جَرَى ولا حسَّه بالجاري
ولقيتني من غير ما اَفكَرْ قُلت عُقبالي
*****
