حــوار مـع حمـار
حمار ودمي خفيف
وقايم بأعبائي
وساكن في كوم الريش
في حي عشوائي
ضامن غدايا حشيش
وفول مع رفاقي
وراضي بحموريتي
وبشكلي وغبائي
وفي يوم اتمنيت إني
أكون حَمَّار
وأعيش يومين محترم
مع حبة م الشطار
جه لبنتي عريس
وانا فاضي مش لاقي
طب أبيع كلوتي
واللا أرهن احشائي
ولا أبيع هيروين
وبالمرة أخلاقي
أنا قلت أصين لي
أرجع وابقى حمار
بدل ما اتباع في السوق
وأبقى قطع غيار
وارجع لكوم الريش
أعيش مع رفاقي
وبحيي حموريتي
صايناني بغبائي
*****
