صـلاة عيـدي
من حبي في اللي بَحِبُه
دقِيتُه فوق إيدي
وحب سيدنا النبي
دقيتُه في وريدي
بَصْحى وانَامْ عليه
والقاه في توحيدي
يااللي جعلت الحبيب
زادي وزوادي
ومالي واللي أمْلِكُه
والدنيا وِوْلادي
انت الإله العظيم
وانت المَدَدْ موصول
وانت الحنان والرضا
وانت الكلام والقُول
نَجَحْنِي في الامتحان
عَنْدَكْ ولوْ مقبول
وارزقني أشوف النبي
لو حتى في منامي
ده أنا يوم ما شوفه
أصلي له صلاة عيدي
*****
