حلمي ومنايا
أنا في الدنيا بَتْمنى
وطول العُمر بَسْتنى
وِبدْعي ربِنَا القادِرْ
وَنا في الفَرض والسُنة
أشوف المصطفى في النوم
وأقرب له كما المحروم
وأقول للحِلم طُوِّلها
وخليها سنة مش يوم
دنا عايشة وقلبي معاه
ودقاته نَغَمْ في هواه
ونفسي نفسي لو يرضى
أكون طوبة تدوسها خُطاه
يا سِيدْ الكُل أنا عاشْقاك
وأبيع عمري عشان ألقاك
وعارفة إن أنفاسيوروحي
بدون ما أنطق كمان وصلاك
يا نسمة خضرت قلبي
وبسمة كفرت ذنبي
أنا نفسي بِحُبي ليك
تكون لي شفيع حِدَا ربي
*****
