مصــر عشــقي
صبية حلوة وعاجباني
وبحبها لو تنساني
وهيا أصلي وتاريخي
وهيا عُمري وِزَماني
مِنْ نيلها ياما بِتسقيني
ومْشَبَعَاني وكَفْياني
وأدِيها عُمْري وحياتي
وأزْرَعْها ورده في كياني
سَقِتْني من كُوزْها السُكَر
وبعيشها الاسْمَرْ غذياني
ياعايقة والدنيا بحالها
علشان بحبك حاسداني
يا أم الجدايل غازلاها
من لِيلِكْإِنتِ وغازلاني
اديني بصة إديني
خليني أسْكَرْ من تاني
ونا مهما أكون قاعد جنبك
بلاقيكي بَرضك وحشاني